 |
|
|
|
|
|
|
|||||||||||||||||
|
|
|||||||||||||||||
|
|||||||||||||||||
|
|||||||||||||||||
|
|||||||
| منتدى سيدات مال واعمال كل ما يتعلق بالأسرة والمجتمع |
 |
|
|
أدوات الموضوع | انواع عرض الموضوع |
07-02-2010, 12:23 AM
|
#1 | |
|
مشرفة سيدات مال وأعمال
العريفة  
تاريخ التسجيل: Jan 2006
المشاركات: 12,395
 |
{التورتيلا المكسيكيه من مطبخ عريفتكم شوشو..}
مدخــ}ــل....
أخبي علتي وأسكت وأنا في داخلي مذبوح . . أجامل وأرسم الضحكه وأنا قلبي على ناري . . هذا الموضوع مصافحه اولى بعد الغياب .. تأخرت عليكم كثيرا ..وقصرت بحقكم اكثر ...لكم مني كل الاعتذار .. ولاني اعرف انه الزم ما عليكم كروشكم نزلت هالموضوع ادري انو الاكل هو اللي بيرضيكم  صراحه ما قدرت اصبر حسيت اني غثيثه وانا اكتب هالمقدمه ...او بالاصح حسيت اني متصنعه اجمل شيء بالانسان الطبيعه والفطره..يوه كأني بديت بالفلسفه و طلعت عن الموضوع .. خلاص لا احد يدف بأبدأ بالموضوع  بأعشيكم اليوم من المطبخ المكسيكي ... التورتيلا المكسيكيه ... نبدأ على بركة الرحمن ... مقادير العجينه ...  ثلاثة ارباع كاس ماء .. ربع كاس زيت .. ملعقة خميره <<< نست تصورها .. ربع حبه من كل لون فلفل بارد اخضر واحمر واصفر ...يعني حفلة بزران ...  حبتين جبن مثلث .. ثلاث ملاعق حليب بودره .. نحطهم بالخلاط مع بعض عشان الفلفل والجبن يتقطع ..وتصير زي الصوره اللي تحت .  ثم نضيف لها الدقيق وملعقة بكم بودر ...الدقيق اضيفيه حسب الحاجه الين ما تحصلين على عجينه متماسكه مثل هذي ..  اتركيها تتخمر ..وروحي اتفرجي على التلفزيون ...والا اتصلي على اختك وحشي لك بأحد ..  بعد ما تتخمر ...رشي شوية دقيق وافردي العجينه بشكل دائري ..  نصيحه شعشبونيه :- هالمهمه لازم تسويها الشغاله ..ليه ينكسر ظهرك وايدينك عشان كم خبزه ..واذا ابو الشباب ما ياكل من الشغاله يعني يسوي فيها مستقرف ادخلي بعينه وقولي انت تاكل من المطاعم اوسخ بكثير مما تتصور ...جاي تفلسف على الشغاله يعني بالعربي ابلع العافيه وكل من النعمه ..والا ما فيه الا نواشف ..  بعد الفرد نسويها على الصاج ..  صراحه الخبزه لحالها لذيذه حتى بدون حشوه ... نجي اللحين للحشوه اللذيذه .. مقاديره تحت بالصوره ...  صدور دجاج مقطعه شرائح طوليه ومتبله بزبادي وشوي زيت وشوي ثوم لمدة ساعه او اكثر.. بصل مقطع حلقات .. حفله مثل اللي بالعجينه ( فلفل احمر واخضر واصفر مقطع شرائح ) مكعب ماجي .. فلفل للي ما عندهم قولون عن نفسي ما عندي استعداد اغامر واحط فلفل ..  اهم اهم ما في الموضوع واللي هو سر الطبخه والطعم ..البهارات المكسيكيه .. اذا ما فيه نصيحها لا احد يسويها بجد ما لها طعم بدونها .. فيه انواع منها بهارات التاكو اللي كيسها اسود مثل اللي بالصوره ..وفيه بهارات الفاهيتا لونها اصفر ..افضلها اللي لونها اسود .. جبنة بارميزان ..وهالجبنه هي اللي تعطيها طعم لذيذ بشكل ما تتصورونه ...لكن اذا ما توفرت ممكن تستخدمون جبنة كرافت مبشوره .. نحطها على النار اول شي البصل والفلفل والثوم نرفع النار عشان تاخذ طعم الشواء ثم نضيف الدجاج المتبل والماجي ..والبهارات المكسيكيه ...اذا استوت وقبل ما نطفي عليها النار نضيف جبنة البارميزان ... وتطلع الحشوه مثل ما انتم شايفين بالصوره..  ونبدأ نحشي الخبز ..لكن مو تلفون اي كلام ويصير شغلكم غشش ..لازم يكون عندنا ذمه وضمير <<<امحق ذمه انقلعي بس ..   نحط الحشوه ومعها كم عود بطاطس مقلي ..وتحتهم ورقة خس .. اذا ودك تتفلسفين وراضيه على ابو الشباب حطي تحتهم خس امريكي يطلع شكله بجد روعه .. واذا ما وداك السوق وزعلانه حطي خس عادي واذا ما ودك مو بلازم خس من اصله   اول شي نطوي الخبزه من الاسفل ثم مع الجهه اليمنى لازم اليمنى مو تبدأين باليسرى ترى ما تنفع <<<< لايا شيخه .. وتصير كذا ..  وقدميها مع بطاطس مقلي ... راجعه للموضوع بقيه لا احد يرد ..  7 7 7
|
|
|
|
|
07-02-2010, 12:30 AM
|
#2 | |
|
مشرفة سيدات مال وأعمال
العريفة
تاريخ التسجيل: Jan 2006
المشاركات: 12,395
|
نصيحه شعشبونيه من القلب :..(اهم ما في الاكل طريقة تقديمه العين تأكل أيضا)
   صوره بانوراميه جويه ..    زوووووووووووووووووووووووم..  بالهنا والعافيه على قلوبكم ... يوه يوه لحظه لا تروحون باقي شي ..  معقوله اعزمكم على تورتيلا بس ..باقي طبق اضافي .. شيش طااووق كلكم تعرفون طريقته مو بلازم شرح وتصوير صراحه تعبت ..  رز بشعيريه ..عادي على قولة امي هذا رز الرمه ..  عباره عن رز ابيض عادي ومعه شعيريه محمره بشوية زيت ..ومزين بمكسرات محمره وسلطه خضرا ..    اللحين بالعافيه على قلوبكم ...محل ما يسري يمري بس الله الله بالعلوم الغانمه والردود السنعه لا احد يمر بدون ما يمر عشان ما يصيبني احباط ...  وتكفون لا تقصرون حطوا لي كم نجمه من التقييم فوق ..  بأرسل الموضوع لابو الشباب ويشوف التقييم ويعرف اني سنعه تكفون لا تفشلوني شوشو  مخـــ}رج.. أحاول والله يعلم بي أداري دمعتي لا أبوح . . أداري الجرح وأتجاهل عن اللي ينشد أخباري . .
|
|
|
|
|
|
08-02-2010, 03:55 PM
|
#3 | |
|
مشرفة سيدات مال وأعمال
العريفة
تاريخ التسجيل: Jan 2006
المشاركات: 12,395
|
بجد سببتوا لي احباط ..يومين ما احد عبرني ...
الشرهه علي .. 
|
|
|
|
|
|
10-02-2010, 09:15 AM
|
#4 |
|
أصدقاء المنتدى
ابو ياسر 
تاريخ التسجيل: Apr 2008
المشاركات: 5,219
|
يعطيك العافيه
|
|
|
|
|
10-02-2010, 02:27 PM
|
#5 | |
|
أعضاء الشرف
ابو خالد 
تاريخ التسجيل: Jun 2006
المشاركات: 25,028
|
يعطيك العافية
فيه توصيل للمنازل ؟؟ |
|
|
|
|
|
10-02-2010, 02:39 PM
|
#6 | |
|
أصدقاء المنتدى
تاريخ التسجيل: Jun 2005
الدولة: الرياض
المشاركات: 2,949
|
ام ام ام
شكلها لذيذ  يعطيك العافية يالعريفة بس لو نقدر نذوق
|
|
|
|
|
|
10-02-2010, 03:20 PM
|
#7 | ||
|
مشرفة سيدات مال وأعمال
العريفة
تاريخ التسجيل: Jan 2006
المشاركات: 12,395
|
اقتباس:
متشكرين على المرور ..
|
||
|
|
|
|
10-02-2010, 03:23 PM
|
#8 | ||
|
مشرفة سيدات مال وأعمال
العريفة
تاريخ التسجيل: Jan 2006
المشاركات: 12,395
|
اقتباس:
الله يعافيك . فيه توصيل ..لكن بشرط اذا فاز الهلال .. يا رررررب يفووووووووز 
|
||
|
|
|
|
10-02-2010, 03:28 PM
|
#9 | ||
|
مشرفة سيدات مال وأعمال
العريفة
تاريخ التسجيل: Jan 2006
المشاركات: 12,395
|
اقتباس:
|
||
|
|
|
|
11-02-2010, 04:39 AM
|
#10 | |
|
أعضاء الشرف
تاريخ التسجيل: May 2005
الدولة: My dreams
المشاركات: 10,188
|
طيب فاز الهلال ......!!
انا ابي توصيل واحد من اللي فوق ( اسمه صعب  ) و واحد شيش طاووق ..بس بدون شغالة  .. و لا تجيبيلي طاري حكاية تاكل من المطاعم .. انا اذا اكلتمن برا البيت أخذ طحينية النخلة أو طعمة و بريال خبز و اذا ابخربها اشتري معهم علبة جبنة كاسات صغير بستة ريال ..  لا بجد الطبخة " شكلها " لذذذذذيذ و مشهي و طعمها اكيد بيكون أشهى لان العريفة هي اللي عاملتها .. يسلموووووو هالانامل شعشع خانوم .. و لا تحريمنا جديد مطعمك .. |
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
عدد الأعضاء الذين شاهدوا هذا الموضوع : 19
|
|
| abo abdullh_9, al-sss, المرمش, امال, التايواني, السبع, ابن عبد العزيز, ابومحجن, خالد_1212, روميــو, روزة, شعشبونه, سهم بحار, underscores0, كانو |
| أدوات الموضوع | |
| انواع عرض الموضوع | |
|
|
العرض العادي
